बेलगाम प्राईड / राज्य सरकारने आयपीएस अधिकारी लक्ष्मण निंबरगी यांची विजयपूर जिल्हा पोलीस अधीक्षकपदी नियुक्ती करण्याचा आदेश जारी केला आहे. सरकारने आज जारी केलेल्या ७ आयपीएस अधिकाऱ्यांच्या बदली आदेशात लक्ष्मण निंबरगी यांची बदली करण्यात आली आहे. लक्ष्मण निंबरगी २०१४ बॅचचे आयपीएस अधिकारी असून मूळचे विजयपूर जिल्ह्याच्या इंडी बेनकनहळ्ळी गावचे रहिवासी आहेत.
यापूर्वी त्यांनी उडपी, बेळगाव, बळ्ळारी आणि सीसीबी येथे सेवा बजावली आहे. आता त्यांची विजयपूर जिल्ह्यात पोलीस अधीक्षक म्हणून बदली करण्यात आली आहे. माजी जिल्हा पोलीस अधीक्षक हृषिकेश सोनवणे यांची बदली झाल्यानंतर प्रसन्न देसाई हे प्रभारी जिल्हा पोलीस अधीक्षक होते. सरकारने ही जागा भरण्यात आली नसल्याने लक्ष्मण निंबर्गी यांची नियुक्ती केली आहे.
