बेलगाम प्राईड : 20 कोटी रुपयांचे नुकसान भरपाई देण्यावरून बेळगाव महापालिकेने केवळ विकास कामे नव्हे तर जनतेच्या मूलभूत सुविधांकडे देखील दुर्लक्ष केल्याचा आरोप होत आहे.
बेळगाव शहरातील शहापूर स्मशानभूमीची दुरावस्था पाहिलीतर बेळगाव महापालिकेने जनतेच्या नागरी सुविधाकडे साफ दुर्लक्ष केल्याचे जाणवते. या स्मशानभूमीतील शेडच्या पत्र्यांची अवस्था दयनीय झाली असून गळत्या तर आहेतच मात्र सदर पत्रे इतक्या दुर्दैवी अवस्थेत आहेत की ते कोणत्याही क्षणी अंतिम संस्कार साठी आलेल्या नातेवाईकांच्या अंगावर कोसळण्याची शक्यता आहे. जोपर्यंत अंतिम संस्कारला गेलेला व्यक्ती कोणी जखमी होत नाही तोवर प्रशासनाला जाग येणार नाही का? असा सवाल उपस्थित करण्यात येत आहे. महापालिका प्रशासन याकडे लक्ष देईल का? अशा प्रतिक्रिया या ठिकाणी अंतिम संस्कराला आलेल्या नागरिकांनी व्यक्त केल्या आहेत.
