बेलगाम प्राईड/बेळगाव शहरात बांधण्यात येणाऱ्या रिंगरोड आणि राष्ट्रीय महामार्गाच्या कामाला गती देण्याच्या सूचना माजी मुख्यमंत्री, खासदार जगदीश शेट्टर यांनी अधिकाऱ्यांना दिल्या. मंगळवारी जिल्हाधिकारी कार्यालयाच्या सभागृहात विशेष भूसंपादन अधिकारी आणि केआयडीबीच्या अधिकाऱ्यांसमवेत बोलावलेल्या बैठकीत ते बोलत होते. रामनगरपासून १० किमीचा लोंढामार्गावर वाहतुकीची मोठी समस्या निर्माण होते, त्याचे निराकरण केले पाहिजे. त्यामुळे जनतेला अनेक समस्यांना सामोरे जावे लागत आहे. हा प्रश्न वेळीच सोडवावा असे ते म्हणाले.
जिल्हाधिकारी मोहम्मद रोशन यांनी दिलेल्या माहितीनुसार, रिंगरोडसाठी आवश्यक असलेल्या बाळेकुंद्री, झाडशहापूर परिसरातील ४०० एकर जागेसह अन्य भागातील जमीन संपादित करण्यासाठी जिल्हा प्रशासनाकडे निधी आहे. शेवटची तारीख १५ मार्च आहे. त्यातच भूसंपादनाची प्रक्रिया सुरू करावी, असे ते म्हणाले. हलगा – मच्छे राष्ट्रीय महामार्गाचे काम सुरू झाले आहे. मात्र शेतकऱ्यांनी त्याला विरोध केला. ती समस्या दूर झाली आहे. डिसेंबरमध्ये हे काम पूर्ण होईल, असे त्यांनी सांगितले.
बेळगाव – धारवाड रेल्वे प्रकल्पात ६०० एकर आणि ८ एकर जमीन होती. आता ते ८७० एकर आहे. जिल्हाधिकारी मोहम्मद रोशन म्हणाले की, ४०७ ची अधिसूचना शासनाकडे पाठवली आहे. मंगळवारी बेळगाव जिल्हाधिकारी कार्यालयात रेल्वे विभागाच्या अधिकाऱ्यांसमवेत बोलावलेल्या बैठकीत ते बोलत होते. केके कोप्पामध्ये रेल्वे प्रकल्पासाठी कोणाची जमीन संपादित केली जाणार आहे, याचे सर्वेक्षण करणे आवश्यक आहे. आमच्यासाठी ही समस्या आहे. जेएमसी मार्च अखेर करावे. पण कामाचा शेवटचा टप्पा सुरू होतो तेव्हा ३१ मार्चपर्यंत अंतिम अहवाल सरकारला पाठवला जाईल, असे ते म्हणाले.या बैठीला विशेष भूसंपादन अधिकारी राजश्री जैनापुरे यांच्यासह विविध विभागांचे अधिकारी उपस्थित होते.
