सीबीएसई राष्ट्रीय स्पर्धेत तन्वी, निधी, वेदांत यांचे यश
बेलगाम प्राईड : स्विमर्स क्लब बेळगाव आणि एक्वेरियस स्विम क्लब येथे जलतरणचे प्रशिक्षण घेणाऱ्या तन्वी पै, निधी कुलकर्णी आणि वेदांत मिसाळे यांनी ओडिशा येथे नुकत्याच संपन्न झालेल्या सीबीएसई राष्ट्रीय पातळीवरील आंतरशालेय क्रीडा आणि खेळ स्पर्धा -2024 मध्ये 3 पदके मिळवून उत्कृष्ट कामगिरी नोंदवत बेळगाव शहराचे नावलौकिक केले आहे.
भुवनेश्वर, ओडिसा येथे गेल्या 10 ते 14 ऑक्टोबर 2024 या कालावधीत सीबीएसई राष्ट्रीय पातळीवरील आंतरशालेय क्रीडा महोत्सवाचे आयोजन करण्यात आले होते. यामधील जलतरण प्रकारात स्विमर्स क्लब आणि एक्वेरियस स्विम क्लब बेळगावच्या तन्वी पै हिने 1 सुवर्ण पदक, निधी कुलकर्णी हिने 1 रौप्य पदक आणि वेदांत मिसाळे हिने 1 कांस्य पदक मिळविले. यापैकी तन्वी पै ही केएलई इंटरनॅशनल स्कूल, निधी कुलकर्णी ही केएलएस पब्लिक स्कूल आणि वेदांत मिसाळे हा ज्योती सेंट्रल स्कूलमध्ये शिक्षण घेत आहेत.
हे तिघेही केएलईच्या सुवर्ण जेएनएमसी (ऑलिम्पिक आकार) जलतरण तलाव प्रशिक्षण घेत आहेत यांना प्रशिक्षक उमेश कलघटगी, अक्षय शेरेगर, अजिंक्य मेंडके, नितीश कुडूचकर, गोवर्धन काकतकर व इम्रान उचगावकर यांचे मार्गदर्शन, तसेच डॉ. प्रभाकर कोरे (चेअरमन केएलई सोसायटी), जयंत हुंबरवाडी (अध्यक्ष, जयभारत फाउंडेशन) रो.अविनाश पोतदार, श्रीमती मानेक कपाडिया, श्रीमती लता कित्तूर, सुधीर कुसाणे, आदींचे प्रोत्साहन लाभत आहे. वरील यशस्वी जलतरणपटूंचे सर्वत्र कौतुक होत आहे.
