सरसमेळा आणि खादी उत्सवात अवघ्या ४ दिवसांत १ कोटी ४ लाखाच्या उत्पादनांची विक्री

बेलगाम प्राईड /बेळगावातील सरस मेळ्यात अवघ्या ४ दिवसांत १ कोटी ४ लाख रुपयांच्या उत्पादनांची विक्री झाली. बेळगाव उत्तरचे आमदार आसिफ सेठ यांनी शहरातील जनतेने मोठ्या प्रमाणात सहभाग घेऊन खादी उत्पादने व स्वयंसहाय्यता संस्थांना प्रोत्साहन देण्याचे आवाहन केले.ते आज बेळगाव येथे आयोजित संयुक्त पत्रकार परिषदेत बोलत होते.

खादी उत्पादने आणि स्वयंसहाय्यता संस्था आणि सोसायट्यांचा आत्मविश्वास वाढवण्यासाठी आणि त्यांची विक्री वाढवण्याकरिता प्रोत्साहन देण्यासाठी राष्ट्रपिता महात्मा गांधी यांच्या अध्यक्षतेखाली बेळगाव येथे १९२४ मध्ये झालेल्या काँग्रेस अधिवेशनाच्या शताब्दी सोहळ्याच्या पार्श्वभूमीवर सरकारने ‘अस्मित २०२४’ व्यापार मेळाव्याचे उद्घाटन केले.

https://www.facebook.com/share/v/1ADUGxCdRz/

बेळगाव शहरात महिलांच्या उत्पादनांचे आणि खादी उत्पादनांचे भव्य प्रदर्शन आणि विक्रीमेळा कौशल्य विकास, उद्योजकता आणि उपजीविका विभाग, कर्नाटक राज्य उपजीविका अभियान, कर्नाटक राज्य खादी आणि ग्रामोद्योग मंडळ, उद्योग आणि वाणिज्य विभाग, जिल्हा प्रशासन, जिल्हा पंचायत आणि महापालिका यांच्या संयुक्त विद्यमाने सरसमेळा आणि खादी २६ डिसेंबर ते ४ जानेवारी या कालावधीत या महोत्सवाचे आयोजन करण्यात आले आहे.

या प्रदर्शनात वेगवेगळ्या राज्यातून आलेल्या १५० स्वयंसहाय्यता संस्था, सहकारी सोसायट्या आणि खादीचे ५० अशा एकूण २०० स्टॉल धारकांनी सहभाग घेतला आहे. फक्त ४ दिवसात १ कोटी ४ लाख रुपयांच्या उत्पादनांची विक्री केली.उत्तम दर्जाच्या खादीच्या वस्तू येथे विक्रीसाठी उपलब्ध आहेत. या शोमध्ये बचत गटांच्या खूप चांगल्या घरगुती वस्तू आहेत.

जिल्हा पंचायतचे मुख्य कार्यकारी अधिकारी राहुल शिंदे म्हणाले, खादी साहित्याचे प्रदर्शन व ओळख पटविण्यासाठी विविध राज्यातील १५० स्वयंसहाय्यता संस्था आणि ५० खादी असे एकूण २०० स्टॉल या प्रदर्शनात लावण्यात आले आहेत. ४ दिवसांत १ कोटी ४ लाख रुपयांच्या उत्पादनांची विक्री झाली. गेल्या वेळी १० दिवसांत १ कोटी ३० लाखांची विक्री झाली होती. यावेळीही उत्कृष्ट वस्तू प्रदर्शनात उपलब्ध आहेत. बचत संस्थांच्या या प्रदर्शनाला भेट देऊन प्रोत्साहन द्यावे. माजी पंतप्रधान मनमोहन सिंग यांच्या निधनाबद्दल सात दिवसांचा राष्ट्रीय दुखवटा सुरू असल्याने सांस्कृतिक कार्यक्रम रद्द करण्यात आला आहे. दि. २ आणि ३ जानेवारी रोजी सांस्कृतिक कार्यक्रम होणार आहेत. विमानतळ आणि रेल्वे स्थानकाजवळ विक्री केंद्रे विकसित करण्यात येणार असून बसस्थानकातही ते सुरू करण्यात येणार आहे. तसेच बसस्थानकावर अक्का कॅफे सुरू करण्याचा आमचा विचार असल्याचे त्यांनी सांगितले.